أبطال العرب
شكلك كده يا بطل بتلف و تدور فى المنتدى من غير متسجل....
يلا زى الشاطر كده دوس كليكة صغيرة على كلمة تسجيل وسجل معانا يا جميل
عشان تبقى بطل من ابطال العرب
يلا يا بطل يا هومام متكسلش
عشان تشاركنا ارائك و تفدنا و تستفيد


لكل ابطال العرب..اعرض على حبيبتك الجواز..بطرق حصريه..عصريه ...ومطرقعه عالااااااااخر.!!

استعرض الموضوع السابق استعرض الموضوع التالي اذهب الى الأسفل

لكل ابطال العرب..اعرض على حبيبتك الجواز..بطرق حصريه..عصريه ...ومطرقعه عالااااااااخر.!!

مُساهمة من طرف Hero في الخميس يوليو 02, 2009 2:32 am

لازم بقه نبطل شويه المشهد التقليدي لعرض الزواج الذي رسخته السينما في أدمغتنا، فنحن اعتدنا أن يتنحنح

البطل ويتنهد ثم يقول للبطلة "تتجوزيني يا سعاد؟" أما سعاد فحاجة من اتنين، إما تفرح وتزأطط، وإما تقول له

الجملة الشهيرة التي بلا أي معنى "انت فاجئتني يا أحمد" ((وهيا بتستهبل وعارفه من اول الفيلم اساسا)) تأكد يا عزيزي أن هذا اليوم هو يوم العمر بالنسبة لك،

بل هو أهم من يوم الزفاف ذاته، ولا تجعل هذا اليوم يمر مرور الكرام، بل اجعله مجنونا غير تقليدي مطرقع لا

ينسى، اضف عليه طابع شخصيتك، اجعله ليس له مثيل، وتأكد أن شريكتك سوف تسعد بذلك ويظل هذا الطلب

هو الوحيد المحفور في الذاكرة، ويمكنك أن تطلب الزواج بالطرق الآتية

في وقت الخطر !! evil

طبعا مش قصدى هنا فى وقت حد بيعاكسها ولا هيا بتقع من على الكورنيش ولا بتغرق فى النيل...(ساعتها انفد بجلدك ياعم الحاج) انا اقصد مثلا تقوم طالع انت وهيا فوق اى حاجه عاليه اوووووووووووووى...جبل المقطم...ولا هرم

خوفو مثلا..وتقوم باصصلها برومانسيه بالغه كده...وتقوم قايلها...((هتتجوزينى يا ....ولا مش

هنزلك...واسيبك متعلقه هنا لحد ما يبانلك صاحب؟...وتاكد ان الرد هيبقى بالموافقه طبعا

(لحد ماتنزلها بس عالارض..وهتقوم قالعه الزنوبه اللى فى رجلها وهتديك بيه....!!)

في جو صاخب ودوشه اوى ! lover

ياسلام بقه لو انت وهيا فى الملاهى وبتلعبوا لعبه العربيات اللى بتخبط فى بعضها دى..وال

دى جى طبعا عالى عالااااااااااااااااااااااخر..وتقوم قايل بصوت رقيق تتجوزينى ؟!

طبعا هيا سمعت بس هتستهبل وتقولك ايه ..؟ بتقول ايه انا مش سامعاك... تقوم انت مزعق

شويه كماان وتقول ...بقولك تتجوزينى ؟...انتى واقعه على ودانك وانتى صغيره ولا ايه؟..

طبعا هيا مش هتسكت عالاهانه دى..وهتروح نازله من العربيه وسط اللعبه وجايباك من

قفاك...وتقولك ..طب ليه طوله اللسان...متعرفش تطلب حاجه بذوق شويه...(ده معناها انها موافقه..مبروك)


فى الطياره ( ده لو بتركبها اصلا) lover

ياسلام لو الموقف ده حصل هتكون من أكثر المحظوظين في العالم،

وهذا الموقف هو الوجود مع شريكتك على طائرة واحدة (او ميكروباص او توك توك...كله شغال ) وهتلاقيها قاعده والكرسى اللى جمبها

فاضى كالعاده (ده فى الطياره بس طبعا )..وانت بكل اتيكيت هتقوم قايلها ممكن اقعد جمبك

بعد اذنك؟...هتقوم باصالك وضاحكه ضحكه رقيقه كده .. وتقوم قايلاك اتفضل..فانت تكمل

كلامك بس معلش انا اللى هقعد جمب الشباك..عشان اتفرج عالطريق لحد ما نوصل...وطبعا قدام الزاله الفظيعه دى هتلاقيها بتلبيلك اى طلب...فانت تستغل الفرصه دى وتقوم قايلها تتجوزينى؟..والنتيجه مضمونه 100%..(هتعمل ايه يعنى هتسيبلك الطياره وتنزل...مش هتقدر طبعا)

او ممكن فى برقية
(دا ايه الفصاحه اللى انا فيها دى !!)

روح لاى مكتب بريد وابعت برقية تطلب فيها الزواج من

شريكتك على عنوان بيتها، واستنى بقه شويه..يا اما هيا تتصل بيك وتقولك..ان البرقيه وصلت

وانها موافقه وانها مستغربه ليه مبعتش اس ام اس اسهل..(اه صحيح ده ايه الغباوه دى )...وتعدى الحكايه على خير...واما يكون اللى استلم البرقيه ابوها ولا اخوها...وساعتها انصحك تستخبى فى اى حته...لتاكل علقه مكلهاش تييييييييييت فى مطلع...

(لا انصح باستخدامها ..نسبه المخاطره عاليه والعمر مش بعزقه ياعم)

في المطر rain

زى ما قلنا قبل كده إن الارتفاع عن سطح الأرض وركوب الطائرة

والجلوس على النيل أشياء تزيد تقارب الحبيبين لسبب غير معلوم (الجاذبيه بتشتغل متعرفش ليه؟ كانهم مغماطيس جمب بعض )،

فإن المطر أيضا ينضم إلى هذه القائمة، ويمكنك استغلال هطول

الأمطار والبرد والبهدلة وأن تطلب من شريكتك الزواج وتاكد ساعتها انك ممكن تكسب قلبها

بكيس مناديل فاين...(ابو ربع جنيه)...لانها طبعا هتكون عماله (تبربر ) وحالتها بالبله ومش

مركزه معاك اصلا..)

على إيميل Question

ابعت لشريكتك إيميل كده جامده كله اشعار وكلام رومانتيكى...وفى اخر الميل اكتبلها..تتجوزينى؟..ولو مش موافقه..اعملى فورورد للميل ده لكل اصحابك البنات...وانا ونصيبى بقه.. ! وطبعا ساعتها هيا عمرها ما هتعمل كده...(هتقول انا اولى ..مانت عارف غيره البنات ...والكلام ده...) (دى بقه ضمان سنه من هيرووووو)


في الإعلام cas

إذا كنت قد استغليت الإنترنت واقترحت طلب الزواج

عن طريق الايميل، فإن العصر الذي نعيش فيه الآن أصبح

الإعلام يشكل جزءا حيويا من حياتنا، كما أصبح التقارب بين

المشاهدين والقنوات الإعلامية كبيرا جدا،وتكون انت عارف انها بتابع برنامج مطبخك

سيدتى..ولا الكوره فى الملعب...تقوم على طول متصل وتقعد تتكلم مع مقدم البرنامج..وبعدين

فجاه تنفض للراجل المذيع ...وتقول..اان عارف انك متابعه البرنامج يا .....وانا بقولك

تتجوزينى؟ (تيت تيت تيت... الخط قطع..)..طبعا هيقطعوا الخط لانهم مش فاتحنها فقره اهداءات ياخويا

..بس المهم كلامك وصل..وهتلاقيها كمان شويه بتتصل على نفس البرنامج وتقولك وانا كمان

موافقه..وهنا هيقوم مقدم البرنامج ماشى ومعتزل البرامج كلها اساسا.. (بسبب حضرتك والهانم)


او نعمل بقه زى ام نبيل فى اعلانها الشهير kiss

ابعتلها رساله صوتيه وقولها فيها

تتجوزيينى تتجوزيينى تتجوزيينى تتجوزيينى تتجوزيينى

تتجوزينيييييييييييي….

_________________
من الافضل ان تكون غائبا حاضر على ان تكون حاضرا غائب
avatar
Hero
مدير ابطال العرب
مدير ابطال العرب


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى