أبطال العرب
شكلك كده يا بطل بتلف و تدور فى المنتدى من غير متسجل....
يلا زى الشاطر كده دوس كليكة صغيرة على كلمة تسجيل وسجل معانا يا جميل
عشان تبقى بطل من ابطال العرب
يلا يا بطل يا هومام متكسلش
عشان تشاركنا ارائك و تفدنا و تستفيد


التربية العسكرية ايه هي ؟؟؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل

التربية العسكرية ايه هي ؟؟؟؟؟؟؟؟؟

مُساهمة من طرف Hero في الأحد أبريل 12, 2009 12:31 am

السلام عليكم


طبعا فيه ناس كتير متعرفش يعني ايه الخدمة العسكرية وبتتاخد فين وامتي وليه ولمين ؟


الاول الخدمة العسكرية ده لطلاب الانتظام بس وللشباب طبعا بس

وممكن تاخدها في اي سنة انت بتختارها


ولازما تاخدها وتنجح فيها عشان تاخد الشهادة بتعتك

المهم بقي

انت بتروح لمكتب الخدمة العسكرية في المدينة الجامعية جوا خالص مبني 10

وبيكون ليها مواعيد معينة للتقديم

فيه قبل الامتحانات بتاعة الترم الاول عشان تاخدها في اجازة الشتاء

او في الترم التاني

والمطلوب منك

صورة للبطاقة

صورة الكارنية (لازما السنة دي او اثبات دفع السنة ده )

صورتين ليك

ولو عاوز تاخدها في جامعة تانية بتقدم صورتين للكارنية وصورتين للبطاقة

وطبعا الراجل اللي واقف من الجيش يعني في الانجاز علطول

وبيديك ورق بتملاه وتسلمه له تاني وبيقولك علي ميعاد بداية الدورة

تيجي بقي اول يوم في الدورة هتتخنق علي الاخر وهتشوف ذل

الاول هيقسموكم لكذا كتيبة تجارة لوحدها مثلا وحقوق لوحدها وباقي الكليات علي اتنين

وطبعا الاكتر هتكون تجارة

هيخليكم تقعدوا علي الاسفلت المعفن قعدة الاسري ههههههههه

وهيجي القائد اللي هو مدير العسكرية وهيكون عقيد

هيفضل يزعق شويتين في الميكرفون ويقولك التعليمات المهمة في العسكرية

الاول
تحلق شعرك خلاقة ميري تروح عند عمو الحلاق وتقوله 3 فوق والجانب 2 حلاقة ميري

والثاني

تطير السوالف خالص

التالتة

دقنك تتحلق كل يوم الصبح قبل ماتنزل

وبعدين هيسيبكم مرميين علي الارض ساعتين كده وهيقف عليكم عساكر بس

بعديها هتاخد رقم تسلسلك وتروح تستلم القميص والكاب لو موجود

وتروح علي المدرج اللي هيقولك عليه الباشا وهتقعد بترتيبك

بعدين هتروح بقي تكون الساعة بقيت 4

من 7 ل 4 اول يوم

تاني يوم هيبقي يوم خنقة برده وهيبقي جامد عشان كله يلتزم

هتقف طابور من 7ونص ل 9

في الشمس والعقيد بيجي يعدي قدام واحد واحد بيفتش عليه شعر ودقن وسوالف

وبيطلع بقي وانت متعملش ناصح وتحلق يوم ويوم هيجيبك برده

وهيخليك تقف قدامه 3 ساعات

في المدينة قدام مكتبه


هيفضل النظام ده لغاية اول اسبوع

وممكن يجيلكم حد

انا جالي لواء راجل جامد اوووووووووووووووووووووووووووووووووووووووي

المهم لو العقيد انبسط منكم وعدي اليوم اللي جه فيه اللواء علي خير

هيخلي النظام حلو شوية

عندنا بس كنا بنروح الساعة 8 وبنمشي 12ونص

كنا بناخد محاضرة واحدة

وفي المحاضرات بقي

بيجيلك مقدم او رائد في كذا سلاح

مرة دفاع جوي او شعبي او صاعقة

معظمهم ناس محترمة جدااااااااااااااااااا

ودمهم خفيف

هتفضل علي الحال ده لمدة اسبوعين

تحضر الطابور وتاخد التمام فيه

وبعدين تاخد راحة نص ساعة او علي حسب المقدم ومزاجه

وبعدين تخش المدرج وتاخد التمام فيه برده

ولو قلك ثابت من مرة واحدة متتحركش خالص

حتي ولو العدد كبير نظرهم فظيع وهيجيبك هيجيبك



وهيطلب منك بحث ف اول اسبوع

وفي اخر يومين هتمتحن عملي وبعدين في اخر يوم هتمتحن نظري

54 سؤال صح وغلط وهتحل جماعي

لانه كله لازق في كله

وفي الاول هتقول ايه الاقرف ده والذل ده

وفي اخر يومين هتقول كانت ايام حلوة ولذيذة وياريت تكرر تاني عشان تقعد قصاد ناس محترمة في الجيش زي ده



يارب تكون استفدتم في العسكرية




_________________
من الافضل ان تكون غائبا حاضر على ان تكون حاضرا غائب

Hero
مدير ابطال العرب
مدير ابطال العرب


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى